05 மன அமைதியும் ஒரு அருட்கொடையே

நபி (ஸல்) அவர்கள் ஒருமுறை தங்களது தோழர்களிடையே இருந்தபோது, அவர்கள் செல்வத்தைப் பற்றிப் பேசிக் கொண்டிருந்தார்கள். அப்போது நபி (ஸல்) அவர்கள் கூறினார்கள்:

'இறைவனுக்கு அஞ்சி நடப்பவருக்கு செல்வம் இருப்பதில் தவறில்லை. ஆனால், இறைவனுக்கு அஞ்சி நடப்பவருக்கு செல்வத்தை விட ஆரோக்கியம் மேலானது. மேலும், மன அமைதி (திருப்தி) என்பது இறைவனின் அருட்கொடைகளில் ஒன்றாகும்.'

உண்மையான விசுவாசியின் பண்புகள்:

உங்களுக்கு ஒரு நோய் வந்தால், நீங்கள் பொறுமையுடன் இருக்க வேண்டும்.

உங்களுக்கு ஒரு அருட்கொடை (நன்மை) கிடைத்தால், நீங்கள் நன்றி செலுத்துபவராக இருக்க வேண்டும்.

உங்களுக்குப் பிரியமான ஒருவரை நீங்கள் இழந்தால், இறைவனின் நாட்டம் என்று அவனிடமே ஒப்படைத்துவிட வேண்டும்.

உங்களது வாழ்வாதாரம் (ரிஸ்க்) நெருக்கடியானால், கண்ணியமிக்க இறைவன் ஏதோ ஒரு ஞானத்திற்காகவே அதைத் தடுத்திருக்கிறான் என்று நம்ப வேண்டும்.

ஒரு அழகான வீட்டைக் கண்டால், அதன் உரிமையாளருக்காக அபிவிருத்தி (பரகத்) வேண்டிப் பிரார்த்திக்க வேண்டும்.

ஒரு ஆடம்பரமான காரைக் கண்டால், பொறாமை கலந்த பார்வையுடன் பார்க்காமல், அதன் உரிமையாளருக்கு இறைவன் நற்பேற்றை (தவ்பீக்) வழங்க வேண்டும் என்று மனதார வேண்டிக்கொள்ள வேண்டும்.

ஒரு தம்பதியினரிடையே அன்பையும் நெருக்கத்தையும் கண்டால், அவர்களுக்கு அந்த அன்பை இன்னும் அதிகமாக்க இறைவனிடம் பிரார்த்திக்க வேண்டும்.

உங்களைத் தவிர மற்றவருக்கு ஒரு வேலை (உத்தியோகம்) கிடைத்தால், அதில் அவருக்கு உதவி செய்யுமாறு இறைவனிடம் வேண்ட வேண்டும்.

பிறர் மீது அன்பு கொள்வது என்பது ஒரு சிறந்த போராட்டமாகும் , அது அனைவராலும் முடிந்துவிடாது.

நீங்கள் எப்போது இப்படியான மனப்பக்குவத்தைப் பெறுகிறீர்களோ, அப்போது துயரங்கள் உங்களைப் பாதிக்காது.

ஏனெனில், உங்கள் சொர்க்கம் உங்கள் இதயத்திற்குள்ளேயே இருக்கிறது!

رسائل من النبي صلى الله عليه وسلم أدهم شرقاوي

தமிழில் : ஆவூர் இஸ்மாயில் ஹஸனீ

---

1	06 நிதானமும் பொறுமையும் நிச்சயமாக உன்னிடம் அல்லாஹ் நேசிக்கக்கூடிய இரண்டு குணங்கள் உள்ளன: அவை நிதானம் மற்றும் பொறுமை
2	04 குடும்பப் பணிகளில் நபிகளார்: இந்த உலகம் ஏற்கனவே கடினமான மனங்களால் நிறைந்துள்ளது; எனவே, நாம் நம் குடும்பத்தினரிடம் மென்மையாகவும் அன்பாகவும் நடந்து கொள்வோம்
3	03 இறைவா! என்னை விட எனக்குப் பிரியமான ஒரு நண்பனை எனக்குத் தா. மனிதர்கள் வண்ணத்துப்பூச்சிகளைப் போன்றவர்கள், சில நேரங்களில் அவர்கள் தங்கள் இறக்கைகளில் உள்ள அழகைத் தாங்களே காண்பதில்லை.
4	02. அவளுக்காக நான் இதை மறக்கவே மாட்டேன் மனிதர்களுக்கு சில நேரங்களில் தங்களுடைய பிரச்சினைகளுக்குத் தீர்வுகளை விட, தாங்கள் மதிக்கப்படுகிறோம் அல்லது கவனிக்கப்படுகிறோம் என்ற உணர்வே அதிகமாகத் தேவைப்படுகிறது.
5	01 அவர்கள் என்னைத் துரத்திவிடுவார்களா? துரதிர்ஷ்டவசமாக, பலர் உங்களின் குறைகளுக்காக அல்ல, உங்களின் நிறைகளுக்காகவே உங்களை வெறுப்பார்கள்.
6	ரஸூலுல்லாஹி ஸல்லல்லாஹு அலைஹிவஸல்லம் அவர்களின் பரிந்துரை
7	ஒற்றைச்செறுப்பு
8	திரைகள் விலகட்டும்
9	உம்மு ஸலமா (ரலி)யும் ஆறாதரணங்களின் அற்புத அன்பளிப்பும்
10	நன்மை தீமையும் அதன் அளவுகோலும்
11	வலிபோக்கும் ஆன்மீக வழிகள்
12	முஜாஹிர்களும் மன்னிப்பும்
13	நன்மை தீமையும் அதன் அளவுகோலும்
14	தங்க ஓடை: மனிதனின் பேராசை
15	பயணியே சற்று நில்
16	அக்கம் பக்கம் / அண்டை வீட்டார்
17	என் கண்ணாடி எங்கே?
18	நன்மைக்கு வழிகாட்டினால்
19	பொறாமைக்குரியோர் ....
20	நபியின் மீது பிரியம்
21	அல்லாஹ்வின் பிரதிநிதி குழுவினர்
22	ஈமானின் கிளைகள்
23	வளைகுடாவில் வசிப்பவரின் இந்தியப்பெருநாள் - மார்க்க சட்டம்
24	நற்செயல் எது?
25	பட்டாடை
26	நாற்பது ஹதீஸ்கள் மனனம் செய்பவர்...
27	பரிபூரணமான முஸ்லிம்
28	பரிபூரண இறைநம்பிக்கை - ஈமான்
29	சுவர்க்கத்தின் சாவி
30	மக்களில் சிறந்தவர்
31	மறுமை
32	மறைவானவற்றை நம்புவது
33	அழகிய துஆ